រថយន្តលុចស៊ីសបើកបុកម៉ូតូរបួស២នាក់រត់គេចខ្លួនបាត់
27-December-2015 | ដោយ ប៊ុនឆាយ
កណ្ដាល៖មានករណីគ្រោះថ្នាក់ចរាចរណ៍កើតឡើងរវាង រថយន្តបុកជាមួយម៉ូតូ នៅថ្ងៃទី ២៦.១២.១០១៥ វេលាម៉ោង ១៨ និង ៣០នាទី ចំនុច ចន្លោះគីឡូម៉ែត្រ ៤២-៤៣ ក្នុងភូមិក្អមសំណរក្រោម ឃុំក្អមសំណ ស្រុកលើកដែក ខេត្តកណ្ដាល បណ្ដាលអោយម្ចាស់ម៉ូតូ និងអ្នករួមដំណើរម្នាក់របួសធ្ងន់។
សេចក្តីរាយការណ៍បានឲ្យដឹងថា ជនរងគ្រោះទី១ មានឈ្មោះ អាត សាវ៉ែន ភេទប្រុស អាយុ ១៧ឆ្នាំ អាសយដ្ឋាននៅភូមិក្អមសំណរលើ ឃុំក្អមសំណ ស្រុកលើកដែកខេត្តកណ្ដាល (របួសធ្ងន់) ជាអ្នកបើកម៉ូតូ។ជនរងគ្រោះទី២ មានឈ្មោះ វុទ្ធី វណ្ឌី ភេទប្រុស អាយុ ១៥ឆ្នាំ មុខរបរ សិស្ស នៅភូមិក្អមសំណលើ ឃុំក្អមសំណរ ស្រុកលើកដែកខេត្រកណ្ដាល (របួសស្រាល) ជាអ្នករួមដំណើរ ។ ចំណែកឯភាគីបង្កហេតុ មានឈ្មោះ ស៊ុន ស៊ិន ភេទប្រុស មុខរបរ នគរបាលច្រកទ្វារ អត្តលេខ-៣៤២៦១ បានគេចខ្លួនបាត់ក្រោយពេលកើតហេតុ បន្សល់រថយន្តនៅកន្លែងកើតហេតុ ។
យោងតាមប្រភពព័ត៌មាន-នៅថ្ងៃកើតហេតុខាងលើ វេលាម៉ោង១៨:៣០នាទី គេឃើញ ភាគីបង្ក បានបើករថយន្ត LEXUS ៤៥០ ពណ៌ ខ្មៅ ពាក់ស្លាកលេខភ្នំពេញ2H-2007 បានបើកពីត្បូងមកជើង អែបមកខាងធ្វេងបំណងចូលហាងហូបចុក ស្របពេលនោះ អ្នកបើកបរម៉ូតូ ទាំង ០២នាក់ ជិះម៉ូតូសង់កូរ៉េ ពណ៌ក្រហម ស្លាកលេខ តាកែវ 1C-6606 ពីជើងមកត្បូង ពេលនោះរថយន្ត បានបុកពេញមួយទំហឹង បណ្តាលអោយរងរបួសធ្ងន់តែម្តង ឯម្ចាស់រថយន្តគេចខ្លួនបាត់ ចំណែកជនរងគ្រោះទាំង ០២នាក់ត្រូវបានក្រុមគ្រួសារបានបញ្ជូន ទៅមន្ទីរពេទ្យប្រទេសវៀតណាម ចំណែកមធ្យោបាយរថយន្តនិងម៉ូតូ ទាំង០២នគរបាល ជំនាញបានយកទៅរក្សាទុក នៅអធិការដ្ឋាននគរបាលស្រុកលើកដែក និង កំពុងកសាងសំណុំតាមនីតិវិធី ។
ចំនួនអ្នកទស្សនា
- ថ្ងៃនេះ3291
- ម្សិលមិញ12561
- សប្តាហ៍នេះ31241
- ខែនេះ53121
- ឆ្នាំនេះ53121
- សរុប20495577